和平研究的最後一課

今天晚上是本學期「和平研究」(Peace and everyday life)課程的最後一課，其實我真係幾鍾意呢科, 好enjoy去讀, 雖然初頭一個月其實都唔係好明那些理論框架, 哈, 不過到左功課, 點都要明啦。其實今晚真係有點唔捨得，一來全港應該只此一家開設「和平研究」這種新的學科（順馨老師證實左，我地真係第一班白老鼠）；二來，課程鼓勵非暴力社會行動，都真係幾得意。特別係今晚的做presentation，與同學分享喜歡的題目實在是很開心的事。

我又再次浸淫於歡樂的讀書氣氛中，這裡有喜歡的老師、也有喜歡的學科，雖然和同學不太熟，畢竟大家是讀part-time嘛，但總算課堂氣氛很愉快。文化研究這一科，我是愈讀愈喜歡。可是，同一時間，彷彿覺得，有點避世的感覺，這是一種遠離世界的快感。

還有兩課，整個課程就要完結了，11月就是畢業禮呢。可是剛剛有同學仔問我，會不會回來sit堂? 我當然十分之希望啦，齋聽唔駛做功課，你說多愉快呢，嘿嘿！這好像是文化研究的傳統，回憶我一年級時，也有一些已畢業的同學回來聽課的。