被撻手機!

成個下午坐係office做野, 下午3點仲接左個電話, 總之成個下午部手提都放在我檯面的豆腐人公仔電話座上。然後5點離開office出去開會, 行左一個街口就發現唔記得帶電話, 咁同老闆講話一陣開完會返公司取回。點知6點左右返到公司, 豆腐人空空如也! 搵左成個鐘都搵唔返, 打電話又打得通播。成班同事仲留低幫我搵, 同埋八卦啦咁. 結果係報警。

佢地結論係好有可能, 在時間上, 在位置上, office的清潔工友最大嫌疑。因為 (1) 5-6點只有佢一人在我位附近做清潔, 其他同事行開晒去做野。(2)今日突然早走。(3)同事打比佢問佢有無執到部手提, 佢答話冇見過, 佢都係照正常程序做清潔。(問題係, 電話中冇提過邊部機咩野位置唔見, 佢已經快快口答冇見過, 成個office咁多手機, 你又知我講邊部?)

最後, 因為我想有跟進, 搞到CID上來office取證同要落口供。

我實在唔想無啦啦誤會一個人係賊, 但點解部電話消失左呢? 點解一個人要偷人野?
實在好傷心, 我都好鍾意呢部手提, 仲係情人節禮物, 買左唔夠2個月。