情人節例牌菜!

不知道已經累計了多少年，反正最近三、四年的情人節例牌菜節目就是接受報紙訪問！
記得第一次做情人節訪問，好像是六年前的一份中文細報。記者打來預告訪問內容，只記得：

• 你地情人節係點過架？
• 你地有冇特別既地方去架？
• 有冇一D特別既花呢，係送比同志架？

當然聽後O晒咀，我還反問她，如果有這一類同志花，記得通知我。

近年由於女同盟常常曝光，因此每一年都有記者「懶特別」咁要寫下「另類的情人節」特輯。問題竟也大致如六年前般，最搞笑係每一位記者，由Marie Claire 到文匯報，都覺得自己今年寫這個題目有如開天辟地般創新，我也就順水推舟「懶好人」沒有道破。

當然，這類訪問很悶，我仍然捱悶去做，主要也是想提醒全港市民，男男女女，同樣登對，情人節人人都有份。

今年的星島記者問我們有冇「男女分工」，我話我係負責玩同去邊度食，你係負責決定租邊間屋，哈，又對我們的關係有了多一步的分析。

by the way，去年情人節，日間舉行了「同性家暴」記招，今年又會點樣過呢？