全年得5宗變性手術!

上星期睇到「變性警花」的報導，從東方及太陽的side box資料顯示，去年全年只有5宗變性手術做左, 我覺得好奇怪, 點會咁少呢? 於是問一問醫管局 (原來唔關衛生署事), 今朝終於收到reply:

就 閣下查詢，醫院管理局發言人回覆如下：

由2004年1月至今共有五人在公立醫院接受變性手術。
有意變性的人士需接受精神科醫生、臨床心理學家、醫務社工、整形外科醫生、婦產科醫生、遺傳學家及律師等作出詳細評估，評估過程約需時兩年以上，然後由當事人決定是否進行變性手術。如決定進行手術，醫生會作出安排，並無輪候時間。手術主要集中在律敦治及鄧肇堅醫院進行。
符合資格人士（*）每日住院費用為港幣一百元。

（*）「符合資格人士」是指持有根據人事登記條例所發香港身份證的人士及擁有香港居民身份證的11歲以下兒童。其他人士則屬「非符合資格人士」。

咁即係2年半內, 只有5人做左手術?? 痴線, 咁多人等緊, 真係非常嚴格。
原來係兩間醫院可以做手術, 而且竟然只需要比住院費每日$100, 對於泰國十數萬手術費兼機票住院, 當然平好多, 但係香港唔知要等幾多年, 分分鐘reject你添呀。

尋晚朋友J的言論, 佢既傳統角色定形真係令我發癲. 我只不過係唔睇波, 及去廚房洗碗, 就比佢話我同gf「調轉」。第一次聽到, 我忍唔住大聲叫佢想清楚至好講野, 連她都講左句, 做咩野至叫做「調返轉」。唉, 大概跨性別人士也不一定在思想上對於性別好有意識, 我呢期懷疑, 分分鐘可能更傳統。我覺得洗碗同睇波, 早已不分性別啦。