Religulous荒天下之大教-電影筆記

一值沒有時間寫好, 終於寫完了.

片名Religulous(http://www.hkiff.org.hk/chi/film/detail/1077.html)(港譯: 荒天下之大教, 台譯:跨世紀大謊言), 這個字是他自創的，就是將religion和ridiculois拼在一起! 你看, 愈虔誠, 愈沒有理智! 這是我在今年國際電影節看的唯一一套電影.

電影, 或者應該說, 這是一部紀錄片, 開宗明義指出，從前只有神才可以消滅世界，但今時今日既地球人，隨手有能力製作核能，挑起戰爭，最可怕的正是這種self proof hypothesis。主持人Bill Maher表示, 宗教就像同你sell緊一D你見都未見過的產品一樣，太容易了。為何有些人，平常很理智，卻會每星期相信自己喝著2000年前的血呢？相信蛇會說人話, 相信童貞產子?

片中剪輯了布殊說: I beleive in God that everyone should be free, 所以這也是他的外交政策之一。(!) 死未?

Bill跑到一間為貨車司機而設的小教堂, 走進去問那群大隻佬教徒, 你們有沒有質疑過, 某些出現在基督宗教的教義, 卻未必出現在聖經內, 比如原罪、童貞產子只記載在兩本福音書內(為何那麼重要的事, 其他書沒有再提?), 有沒有擔心過這些事並非來自神, 只是來自作者呢? 點解我地要信不能proof的事呢?

如果要行善才去信教, 幹嗎不直接去行善呢?
信仰像六合彩, 你去玩至會有機會大獎, right?

然後他又跑去訪問Dr Francis Collins, 他可是Head of Human Genome Reasearch Project的頂級科學家啊。原來93% of scientists in the American National Academy of Sciences are atheist or agnostic.點解Dr collins呢個著名科學家, 同時竟然係一個篤信基督的人, bill問佢點解? Dr collins話因為佢睇新約那些 witness寫返佢地既經過 (阿bill話, 你明知佢地唔係親眼目擊) Dr collins: 咁佢地係nearly witness啦. 咁即係點樣proof呢?

福音書不是歷史書, 連St Paul都無見過耶穌, 其他作者更加無見過. 新約寫在舊約之後, 難保那是新約作者們看著舊約寫的, 那就當然「預言相符」了。

片中又訪問了穿金戴銀的Dr Jeremiah Cummings神父, 阿bill問佢點解經常盛裝出席, 唔通D人唔知係來自人們既奉獻咩? Dr Cummings話, 我成日都要著到咁靚, the people want you to look well, 耶穌都成日著得好好架, 佢出世甚至有人送黃金比佢, 佢一d都唔窮呀。阿bill話, 但係耶穌不斷傳道against rich people播, 耶穌說「富人進天國比駱駝穿針眼還難」...令我想起香港的某些牧師神父...
然後去到訪問一些反對同性戀的基督教, 一個支持者說: I dont hate them, God hate them. 阿bill又去訪問了pastor john westcott (屬於exchange ministries這個變直治療機構), 一個著名的ex-gay (但樣子真是gay到不行), 與一個ex-lesbian結婚, 並生了3個小孩. 他說他自己不是ex gay, 而係一個heterosexual guy but doing some homosexual acts. 他說同性戀是罪, 因為男人有陽具, 女人有陰道 (咁又點?) 所以同性戀是不自然的. 阿Bill說, 但上帝沒有說過一句反對同性戀呀.pastor繼續講, 同性戀是一班搞唔清自己係男定女既人, 而且佢地唔開心, 自己都唔想架. 阿Bill問佢, 如果反對同性戀係咁重要, 點解聖經冇講過?阿bill訪問一個猶太人專信上帝, 因為那裡在死後會有一個better place, 真係好好架...咁阿bill問, why not kill yourself? 佢呆左. 阿bill問, 點解你會相信約拿在一條巨大的魚肚子內生活三天?

甚麼時候美國成為一個基督教國家呢? 原來好多美國創國者都曾經表明, 美國不是基督教國家你看, 這些大人物都曾經說過:Benjamin Franklin: Lighthouses are more useful than churchesJohn Adams: This would be the best of all possible worlds if there were no religion in itThomas Jefferson: Christianity is the most perverted system that ever shone on man.

訪問Mark Pryor, 他是美國arkansas州的參議員, 此人自稱福音派基督徒, 當被問及他是否相信進化論時, 此人立即話...唔..你知啦, 科學界意見都分歧啦。主持人話, 唔係播, 科學家意見都幾一致。然後問佢, 你總唔會相信, 阿當同夏娃, 5000年前曾經同一條蛇對話掛? 參議員仍堅持話, 好難講既, 或者真係....主持人立即插咀, 你係參議員, 萬千人選出來的, 支撐成個國家, 而你竟然相信蛇會講話! 參議員說, 係呀, 做參議員唔駛做IQ Test架嘛! (死未?) 主持人立即O咀.

既然世界上咁多罪, 點解上帝不乾脆消滅呢D罪呢? 仲等咩鬼?點解上帝有事要同世人講, 係都要靜雞雞同先知講, 再由先知同人講呢?

耶穌的故仔是原創嗎? 原來...
地中海的Krishna神在二千年前, 是一個木匠, 佢一樣係處女所生, 又係來救世界, 比耶誕早一千年出現;
波斯人的上帝Mlthra比耶誕早600年生, 生於12月25日, 施展神蹟, 在第三日復活, 又是被人稱為真理, 光明, 救世主...
其實好多上帝都是在12月25日出世
公元前1280年, 埃及出現了一個基乎相同的故事, Horus係Osiris的兒子, 同樣由處女所生, 同樣到過荒野, 盲人開眼, 水上步行, 有12門徒, 被處死後3日復活...

然後是摩門教mormon, 片中訪問了兩位前摩門教徒, 他們覺得這個教實在太離譜了, 比如:上帝住在kolob星旁的一個行星, 與mary有性關係, 然後生下了耶穌;伊甸園其實在美國密蘇里州,還可以為已死的人受浸, 方法就是, 如要為50個死人浸禮, 自己浸50次就可以了,穿上神奇內衣temple garments可以保護免受病毒, 魔鬼, 仲可以防彈, 刀槍不入......

講到信教好似患上精神病一樣, 片中訪問了Dr Andrew newberg教授, 他是一位神經學者(why we believe what we believe的作者), 他說宗教是一種精神上的混亂, 比如"speaking in tongue"就是一個好例子. 又或者自稱, 聽到上帝同你講野.

拍攝隊來到以色列, 原來安息日是不能用電/能源的, 有39種特定的行為是在安息日被禁止的(根據old testament, 那可以是死刑), 比如不可以種菜, 耕田, 打結, 解結, 不可以建築或毀壞...所以呢, 那裡的猶太人為了保持聖潔, 就做左一d機械比如用氣壓推動的輪椅 (不可以生火, 但可以用air)
這個世界真會滅亡嗎?宗教只會將這個世界推向滅亡因為這些信徒都是非理性的例如美國總統在發動戰爭前都會祈禱然後, 有些信徒還安照自己的信仰去投票!

信仰代表你不需要用腦袋去思考然後那些傳教的人, 他們理用幻想和荒謬的故事在世上引起更多的瘋狂和破壞宗教是危險的它讓人們放棄思考放棄思考自己做過的一切他們還以為自己的懷著一顆善心去做跟著上帝的步伐去做但實際上, 那個上帝有和你直接對話過嗎?

那些說他知道很多死後的事的人他真的知道嗎?你和我都不知道真正去面對那些人生大問題的處理態度不是傲慢地告訴你末世甚麼甚麼, 你不聽就會下地獄, 而是懷疑懷疑叫人謙虛
如果有一個宗教是歧視女人, 歧視同性戀者, 發動戰爭, 你必須立即離開, 留在當中嗎? 那等於成為幫兇. 在所謂審判之前, 我們先已經自相殘殺, 人類已經死光光了.

到主流的內地視頻網站(如優酷), 你可以輕易找到已上載的全套電影兼中文字幕.