phuket第2天: 浮潛x操拳x100個累

話說第1天上機非常驚險, 8點機, 我6點2才被團友call醒發現自己身在我家客廳的梳化! 應該係執行李太累訓返. 當然係嚇到死即刻彈起身, 執埋半喼行李碌落樓. 好彩世界上有機鐵, 只要花$60大元, 10分鐘內送我到機場, 趕得切直飛布吉!
第1天全日都在休眠狀態, 全日十足跟團一樣(因為師傅搵左個導遊, 唉) 下午超無奈去一個騎象高卡車射擊樂園, 以為自己身處深圳, 估計因為個guide有錢分所以就算一半人唔想玩都焗我地去, 晚上又去睇fantasea, 跟團去過布吉都知, 基本上呢個係泰版馬戲團+民間傳奇大型歌舞騎呢表演...怪唔知我一向好憎跟團! 晚上累到不得了.
今日晨早6點morning call, 酒店食完早餐就車去鳥蛋島. 聽過名都估到, 小島真是小小島, 行完一圈不用30分鐘. 不過水清沙幼兼在岸邊已經有好多 青色小魚, 我們買方包餵魚, 其實只為了引牠們來拍照, 後來我自己游出岸, 卻突然是被三四條魚圍咬我, 嚇到我立即游回來, 感覺更似被一群狗圍攻一樣, 很不好受.
我在這裡玩了人生第一次浮潛, 可能因為太便宜, 只需300 bhat, 所以非常求其, 只是坐了5分鐘快艇到附近另一小島前, 就在那裡自行落水觀看, 由於有很多人不懂用吸管呼吸, 包括我在內, 得物無所用, 跟我自己用潛鏡出海沒兩樣.
上午算是很愉快地過了一個早上, 陽光與海灘呢, 畢竟游在水內是很令人愉快的.
午飯後離開小島, 直去拳館! 由於很擔心操拳很辛苦, 中午換衫時, 特別啪左一樽紅牛...hehe, 果然成日都好精神.
先是跑步半小時, 回來跳繩5分鐘, 他們使用像膠水管的那種, 很重, 有幾次我冇力甚至打落腳上還很痛, 簡直跳繩跳到想嘔...然後是練拳, 步法, 其實真係學到好多香港沒有學到的招式...體能...我估計全天我做了200下push up...最後以100下push up及100下situp落堂, 真有種求生不得的感覺, wow, 好累!
拳館好大, 足有四五個大擂台, 這裡就好像露天空地改建一樣, 還有宿舍, 好多白種人在這裡學拳. 由於很空曠, 其實也不是太熱.
晚飯後去了做香薰按摩...zzz