開學了

第二個學期終於在昨晚開始了, 那是「文化研究中的歷史」。聽Dr馬仔講, 其實課程內容都幾得意, 根本就是讀反歷史。這個課約有30人都坐滿了, 看樣子還有不少是老師(特別正經特別悶的臉), 特別是歷史老師! 下星期會discuss歷史的意義, 馬仔說要用端午節作例子. 我打算講下端午節被同志挪用作為同志節的反文化意義, 嚇下班老師先。

馬仔話歷史的編寫其實充滿政治意義, 有一位職業是歷史老師的同學舉手回應, 話依家既課程都唔靜止教政治史, 仲有文化史呀, 服裝史呀, 文學史呀咁. 呢個回應簡直係off topic, 馬仔都唔係咁既意思, 後來馬仔都冇回應佢對「政治意義」的誤解。

昨天lunch時被同事問到我的學業, 我又再次被人誤會是讀文學. 當然我又再一次強調, 文化研究不是文學研究, 然後你會發現, 三言兩語其實也很難解釋甚麼是文化研究 (或許我還搞不很懂)。
呢一科要寫一篇15頁的term paper....唔......睇怕今次要早兩個月前準備啦。

MCS寄email來話因為有好多人遲交功課 (hehe, 我都有份), 竟然將成績公告日期延後一星期, 嘩, 認真好人。不過我呢個sem真係要努力下, 唔好再遲.....成咁啦。