印度之旅day 4 - 終於肚仔咕嚕咕嚕

既然有咁多朋友想我傳授印度食之秘技, 我索性拍條片比大家偷師啦.

今天是留在營地的第三天，我己經吃了九餐印度菜。其實這裡的食物很不錯，加上課堂間的coffee break，其實一天到晚都在吃。可能因為菜式又辣又多油炸食物，尋晚開始出現肚仔咕嚕咕嚕現象，所以晚上還是只吃白飯薄餅，不過餐餐都有印度雪糕，好難抗拒播。

由於呢度的日溫差很大，基本上全日都係著衫除衫，起床開始，加穿第一件，第二件，到了十二點左右，開始除第一件衫，第二件衫，到了晚上九時左右，又再穿返件衫，因此全日我都帶著好多野走來走去。

廁所開始有人投訴了。今早在空地聚集時, 終於有人舉手問點解廁所成日冇廁紙，主持人好醒目咁答，呢個係文化問題，然後問大家，誰需要廁紙的請舉手...大半人.....誰不當廁紙是一回事喔?...你不會想像到, 竟然都有十幾人......亦由於這裡的廁所沖涼系統並不會廁紙而設計....開始出現塞廁所沖唔去現象...所以廁所只會放少量廁紙...汗...大家哈哈大笑之餘, 還有人自動請纓, 舉手成為文化大使, 傳授用手清潔的方法....噫, 男女各一代表呢....主持人說, see, sharing never end!

講下呢度的娛樂，其實搞手晚晚都安排不同節目，好似尋晚係電影之夜，兩間房用作播放不同團體帶來的紀錄片短片毛片獨立電影，幾有人權電影節之感，我都放左一套由於性工作者自拍的短片，很多片都令人印象難忘。不過露天廣場就好好玩啦，選映正宗bollywood，美女靚仔再加愛情歌舞搞笑追女火爆加英雄救美，靚女出場又放白鴿又拉小提琴，我明天出城一定要買返套回港睇多次！前晚就有吞火印度男表演，今晚就係印度鼓舞。

日間的學習愈來愈精彩，因為漸漸多了很多技術討論，而不再留在introduction的層面。早上第一節, 我選了以GPRS學習定位及劃地圖; 第二節時, 其實好想去學SMS及VOIP如何用於運動層面, 仲有關於網路技術,策劃全球行動, 網上發佈...等, 最後我選了如何以手提電話及相機拍攝行動video。

晚上除了有workshop外, 也有被稱為lab的時間, 就是任何人都可以offer技術出來教任何有需要的人, 一時間, 就像真正的天才表演, 那些map怪教你如何自繪地圖(要明白地圖繪製其實充滿政治含意)...我參加了學習如何使用IM不被"竊聽", 瀏覽不會留下footprint, 如何避開或防止釣魚, 突破封鎖...

明天是大家期望的出城日，看來很多人出城shopping呢。朋友們說可能有機會visit當地的同志及性工作團體, 但不太肯定。很期待去看看印度的廟宇。